الطفر بيقوي النظر

هذه مداخلة مهمة جداً من نضال خوري، أضرب يا نضال ولا ترحم، إضرب يا فتانا الذهبي. كتب نضال خوري:

الطفر بيقوي النظر

عمان ، الأردن ... 3 سبتمبر 2012 ... الساعة 9:20 مساءاً ، قاعد بالبيت لأنو ما معي مصاري اطلع علماً بأنو احنا بأول الشهر ، بس ما بدي يصير فيي زي الشهر اللي قبلو !

خوري العظيم سمح لي انزل بوست على المدونة تبعتو ، فهيني عم بكتب ، ان شاء الله تكون بالمستوى المطلوب ابو الخور.

اول اسبوع بالشهر ... الكل طفران لرب السما ان وجد .... صار اللي راتبو بينزل بكير مش اشي منيح لأنو بيطفر قبل كل الناس واللي راتبو بينزل متأخر بيحس حالو غني و بيضل يداين الشباب لحد ما يطفر ... كلو بيتداين من كلو .... ابن من ابو ... اخ من اخوه .... حكومة من حكومة.

بس شو اللي صار ؟ راتبي ما تغير حتى انو زاد شوي .... و الله البلد تغيرت !

عندي ملاحظات على الاشياء اللي تغيرت :

الملك كان بيفطر بمطعم هاشم ... صار يفطر بأبو جبارة

طلع سعر الكحول و الدخان ... ممكن الحياة صارت ابشع فالناس صارت اتدخن و تشرب اكثر

Hamza Budeiri went from being "engaged" to being "single".

خوري فتح مدونة

انا اشتريت حزمة انترنت على موبيلي

التغيرات هاي هي سبب الطفر : انا بفتح النت على الموبايل بشوف مدونة خوري ، بقرأ عن مطعم هاشم ، بتذكر الملك ، بشوف حمزة صار عزابي للمرة المليون ... بكفر على الدنيا واللي فيها .... بشتري خمرة و بكيت دخان ... بلدعهم و بفلس من وراكم ... لعنة الله عليكم جميعاً ... انتم سبب الطفر ... لولا انني طفران ما كنت قاعد بالبيت ولا شفت هذه المتغيرات ... الطفر بيقوي النظر